Pilluáminningin

Fréttir

2008-05-05

Viðskiptavinir Nova geta nú skráð sig fyrir Pilluáminningar. Starfsmenn Nova fá bestu þakkir fyrir veitta aðstoð og almenn liðlegheit. Endilega hafið samband ef þetta virkar ekki sem skyldi - oft leynast gallar í nýjum kóða og því miður hef ég sjálfur ekkert Nova númer til að prófa.

2008-05-02

Einhver vandræði eru með að tengjast kerfi Vodafone til að senda SMS, en þau hófust kringum hádegi í gær. Enn sem komið er er óljóst hvað veldur.
Viðbót 2008-05-05: Tæknimaður Vodafone hafði samband, verið er að kanna orsök vandræðanna; kunnum við þeim bestu þakkir fyrir það. Vandræðin leystust annars af sjálfu sér seinnipart föstudags 2. maí.

2008-03-31

Til að tryggja skilvirkari SMS sendingar þurfa nýjir notendur nú að taka fram hjá hvaða símfélagi númerið er skráð. Tiltekt í eldri skráningum stendur yfir og verða skráningar þeirra notenda sem hafa verið að fá SMS gegnum "rangt" símfélag leiðréttar á næstu dögum.
Einnig er komin síða sem sýnir ýmsa tölfræði um SMS sendingar Pilluáminningarinnar. Hún er uppfærð daglega.

2007-05-16

Eftir flutninga pilluáminningarinnar voru vandræði með nýskráningar og afskráningar. Þessu hefur nú verið kippt í lag.

2007-04-03

Pilluáminningin lág niðri í rúman sólarhring, frá 30. apríl til 2. maí. Var þetta vegna árásar sem gerð var á vélina sem hýsir áminninguna. Vegna þessa mun pilluáminningin flytja yfir á aðra nettengingu föstudaginn 4. maí. Búast má við frekar truflunum á þjónustu meðan á flutningum stendur. Ekki verða ófrískar!

2007-01-18

Vegna vinnu við Cantat-3 sæstrenginn breyttist netumhverfi áminningarinnar þannig að um tíma var ekki hægt að ná sambandi við kerfi Vodafone og Símans til að senda SMS. Úr þessu hefur nú verið bætt og SMSin ættu að vera farin að berast aftur.

2006-10-19

Það var galli í tiltektarkerfinu sem olli því að allir áskrifendur fengu aðvaranir um að áskrift rynni út innan mánaðar. Þetta hefur nú verið lagað og bara þeir sem raunverulega þurfa að endurnýja fá áminningu.

2006-10-14

Áminningar hringsins voru gallaðar, SMS um að fjarlægja ætti hringinn var sent degi of snemma. Þetta hefur nú verið leiðrétt, þökk sé ábendingu frá Ómari Sigurvin, formanni Ástráðs.

Í undirbúningi er átak til að hreinsa úrelt númer úr gagnagrunni Pilluáminningarinnar. Þetta mun leiða af sér breytt fyrirkomulag þar sem notendur þurfa að endurnýja áskrift sína tvisvar á ári. Endurnýjunareyðublað er þegar komið á forsíðuna og áminningar um endurnýjun verða sendar með öðrum áminningum.

Lesa má nánar um tiltektina hér.

2006-03-26

Einhver vandræði hafa verið með að tengjast kerfi Símans til að senda SMS undanfarið. Annar galli í kerfi áminningarinnar olli því svo að varaleiðir fyrir þessi skilaboð voru óvirkar. Því hefur verið nokkuð um að áminningar hafi ekki borist undanfarið.

Búið er að laga varaleiðirnar, en haft verður samband við Símann eftir helgi til að kanna hvað veldur hinum vandræðunum. Vonandi olli þetta engum teljandi vandræðum.

2006-02-16

Vefurinn fær smá andlitslyftingu, áskriftareyðublöðum er fjölgað en hvert um sig einfaldað til að sníða betur að þörfum mismunandi hópa. Gamla síðan er enn aðgengileg.

Síðan síðasta frétt var skrifuð hefur Síminn boðið áminningunni sér aðgang að SMS-sendingargátt og áskrifendum hefur fjölgað mikið, en þegar þetta er ritað eru þeir orðnir 2995.

2002-12-25

Vélbúnaðarbilun stöðvar áminninguna, komst í lag aftur að morgni 27. des.

2002-11-28

404 áskrifendur!

2002-10-14

361 áskrifandi, Forvarnir.com eru að auglýsa þjónustuna.

2002-09-13

Vélbúnaður áminningarinnar uppfærður.

2002-09-10

Hugbúnaður pilluáminningarinnar uppfærður!

2002-09-04

327 manns áskrifendur að þjónustunni.

2002-08-15

Meira um samkeppni og svipaðar þjónustur.

2002-08-08

Nohh, bara samkeppni!

2002-07-30

288 manns áskrifendur að þjónustunni.

2002-04-20

206 manns áskrifendur að þjónustunni.

2002-03-24

173 manns áskrifendur að þjónustunni.

Eldri fréttir og saga...

Tenglar:

Þessi grein fjallar m.a. um möguleg óæskileg áhrif pillunnar á samskipti kynjanna. Hún er umhugsunarverð. Hér er styttri Íslensk frétt um sama efni.
Vissir þú að Partalistinn er annað framtak höfundar Pilluáminningarinnar? Þar er m.a. leitarvél sem leitar í smáauglýsingum á íslenska vefnum.